КР илимине эмгек сиңирген ишмер Турар Койчуевге арналган илимий-практикалык конференция өтөт

КР илимине эмгек сиңирген ишмер Турар Койчуевге арналган илимий-практикалык конференция өтөт

Билим АКИpress - КР УИАда, 20018-жылдын 12-сентябрында экономика илимдеринин доктору, профессор, УИАнын, Россиянын Табигый илимдер академиясынын, Россиянын Социалдык жана педагогикалык илимдер академиясынын, Евразиянын Эл аралык экономика академиясынын академиги, КР илимине эмгек сиңирген ишмер, Кыргызстандын мамлекеттик сыйлыгынын ээси, бир катар чет мамлекеттердин академияларынын мүчөсү, көрүнүктүү мамлекеттик жана коомдук ишмер Турар Койчуевдин 80 жылдык мааракесине арналган «Илимге арналган өмүр» аттуу илимий-практикалык конференция өткөрүлөт.

Иш-чараны УИАнын Ж.Алышбаев атындагы Экономика институту уюштурууда.

Турар Койчуевич Койчуев жөнүндө:
Бүгүнкү күндөгү социалдык жана экономикалык абал коомдук жашоонун бардык аспектилериндеги адекваттуу өзгөрүүлөрдү жана экономикалык маселелер боюнча негизги ыкмаларды кайрадан караштырып чыгууну талап кылат. Бул ыкмалардын негиздери учурунда академик Т.Койчуев тарабынан теориялык фундаментке салынган болчу. Кыргызстанды постсоветтик реформалоонун идеологиясы, концепциясы, программасы Койчуев жана анын шакирттери тарабынан аныкталган. Өлкөнү социалдык-экономикалык башкаруу боюнча жаңы структураны түзүү боюнча долбоорлор академик Т.Койчуевдин жетекчилигинде Реформа боюнча улуттук комиссия менен түзүлгөн жана координацияланган. Республиканын улуттук валютасын ишке киргизүүдөгү чоң көйгөйдү чечүүдө Т.Койчуевдин өзгөчө ролун белгилеп кетүү керек.

Академик Турар Койчуев Кыргызстандагы илимий чөйрөдө илимий экономиканын дүйнөлүк коомчулугуна белгилүү экономист-окумуштуусу катары таанымал. Ал экономиканын теориясына, регионалдык экономиканын, экономикалык реформанын теориясына, экономиканын тарыхына бараандуу салым кошту. Академик Турар Койчуев 45 жеке монография менен брошюранын, биргелешкен 11 монографиянын автору, 88 коллективдик монографияны даярдоого катышкан. Өлкөдө биринчи болуп Кыргызстандын ири экономикалык аймактары боюнча комплекстүү илимий макала даярдалган.

Азыркы учурда экономикалык, саясий, экологиялык, илимий-техникалык, демографиялык, социологиялык жана гуманитардык көйгөйлөр каралган дисциплина аралык мүнөздөгү монографиялардын сериясын даярдоого жетекчилик кылууда. Ошондой эле Турар Койчуев тарабынан адам коомунун цивилизациялуу өнүгүүсүнүн жалпылаштырылган критерийи болгон коомдук өнүгүүнү гумандаштыруу боюнча басылмалардын сериясын даярдоо боюнча ишти жетектеп жатат. Турар Койчуевдин УИАнын вице-президенти, андан соң президенти катары да зор салымы бер экендигин белгилеп кетүү зарыл. Өткөөл мезгилдин кыйын жана татаал учурунда академиялык илимдин сакталып калгандыгы жана анын позитивдүү өзгөрүүгө ээ болуусу академиктин жетишкендиги.

Комментарии будут опубликованы после проверки модератором
Для добавления комментария необходимо быть нашим подписчиком
Видеоматериалдар
×

up