Кадамжайлык окуучулар америкалык ырларды аткаруу боюнча сынакта ат салышты (сүрөт)

Кадамжайлык окуучулар америкалык ырларды аткаруу боюнча сынакта ат салышты (сүрөт)

Билим АКИpress - Баткен областынын Кадамжай шаарындагы Жолдошбек Мамажанов атындагы маданият үйүндө окуучулар арасында «Америкалык ырлар - 2019» сынагы өттү. Ага райондун 18 мектебинин 9-11-класстарынан 36 окуучу катышты.

Иш-чаранын максаты — орто мектептердеги англис тили мугалимдеринин чыгармачылык мамилесин көтөрмөлөө, окуучулардын чыгармачылык потенциалын аныктоо жана АКШнын музыкалык маданияты менен таанышуу.

Сынактын жүрүшүндө катышуучулар АКШнын белгилүү ырчыларынын, музыканттарынын жана композиторлорунун дүйнө жүзүнө кенири тараган популярдуу ырларын аткарышты. Айрым аткаруучуларды бийчи жана үн коштоп ырдоочу топтор колдоп турушту. Катышуучулар бөтөн элдин музыкалык маданиятына сүңгүп кирип, чыныгы автордук, реалдуу ырчылардын элесин көрүүчүлөргө тартуулашты.

Жыйынтыгында калыстар тобу тарабынан 10 катышуучу тандалып, алар апрель айында өтүүчү областук турга катышууга жолдомо алышты.

Жеңүүчүлөр:

- Б.Айтатов атындагы мектеп-гимназиясынан Мээрим Акимбаева;

- Кадамжай лицейинен Иманбек Амирбаев менен Жасмин Абдиева;

- №17 А.Масалиев атындагы орто мектебинен Алтынай Абдыкалыкова;

- «Учкун» орто мектебинен Нурсулуу Узакова;

- №3 «Охна» мектеп-гимназиясынан Айпери Мидин кызы;

- №30 О.Тешебаев атындагы мектебинен Гүлкайыр Кадырбек кызы;

- «Адыр» орто мектебинен Жайнагүл Өскөнбай кызы;

- №21 «Кан» орто мектебинен Дилфуза Каримова;

- М.Горький атындагы орто мектебинен Элмарбек Жеңишбек уулу.

Райондук сынакка катышкан 18 мектептин англис тили мугалимдерине, 36 окуучуга райондук билим берүү бөлумүнүн жетекчиси Жеңиш Гайбуллаев тарабынан сертификаттар тапшырылды.

Калыстар тобунун курамы:

- Канзада Галмаматова — Кадамжай райондук билим берүү бөлүмүнүн англис тили боюнча методисти;

- Жон Амос Поликарпе — «Чек арасыз докторлор» эл аралык уюмунун доктору.

- Ольга Медведева — Кадамжай шаарындагы музыкалык мектептин директору.

- Гүлзат Кадырова — «Кыргыз Республикасындагы мектептерди жакшыртууга коомчулукту тартуу» долбоорунун консультанты, англис тилинде эркин сүйлөгөн котормочу.

Комментарии будут опубликованы после проверки модератором
Для добавления комментария необходимо быть нашим подписчиком
Видеоматериалдар
×

up