Билим АКИpress - Өзгөчө кырдаалдар министрлигинин Жалал-Абад облусу боюнча башкармалыгы тарабынан окуучулар арасында «Өрт – тилсиз жоо» аттуу сүрөт тартуу сынагы өткөрүлдү. Бул тууралуу ӨКМдин басма сөз кызматы маалымдады.

Сынактын максаты – жаш балдардын от менен ойноосунан келип чыгуучу өрт кырсыктардын алдын алуу, жеткинчектердин өрт коопсуздугу боюнча аң-сезимин жогорулатуу.

Иш-чара Тогуз-Торо районунда жана Таш-Көмүр шаарында уюштурулуп, мектеп мугалимдери жана өзгөчө кырдаалдар бөлүмүнүн кызматкерлеринен турган калыстар тобу тарабынан жеңүүчүлөр аныкталып, алкыш баракчалары жана баалуу белектер менен сыйланышты.

Аталган сүрөт сынагы облустун башка район-шаарларындагы мектептерде да улантылат.

⇳