Ошто мугалимдердин диагностикалык аттестациясы жыйынтыкталды (сүрөт)

Ошто мугалимдердин диагностикалык аттестациясы жыйынтыкталды (сүрөт)

Билим АКИpress - Ош шаарында мугалимдердин ыктыярдуу диагностикалык аттестациясы өткөрүлүп, ага жалпы 1 миңден ашуун билим берүү кызматкерлери катышты. Бул тууралуу шаардык билим берүү башкармалыгынын башкы усулчусу Тынчтыкбек Досмуратов билдирди.

Анын айтымында, мугалимдердин диагностикалык аттестациясы Ош шаарында гана демилгеленип, быйылкы окуу жылын кошкондо үчүнчү ирет өткөрүлүп жатат.

«Ыктыярдуу диагностикалык аттестацияда ар бир каалоочу мугалим өзүнүн адистиги боюнча сынак тапшырат. Бизде быйыл жалпы 12 предмет боюнча сынак жүргүзүлдү. Сынак баракчасында 20-40 суроо камтылып, ар бир предметке 1 сааттан убакыт берилди. 25-мартта башталып, 27-мартта аяктаган сынактын жыйынтыгында ким канча баа алгандыгы тууралуу маалымат сыр бойдон сакталды. Башкача айтканда, мугалимдер жыйынтыгын өзүнө гана маалым болгон атайын код менен биле алат. Ошентсе да алдыңкы орунду ээлеген мугалимдердин жыйынтыгы ачык чыгарылды», - деди Т.Досмуратов.

Сынактын негизги максаты — мугалимдердин билим деңгээлин жогорулатуу, педагогикалык чеберчилигин арттыруу.

Ош шаарындагы орто мектептерде жалпы 3 миңге жакын мугалим эмгектенет.

Комментарии будут опубликованы после проверки модератором
Для добавления комментария необходимо быть нашим подписчиком
Видеоматериалдар
Фотоматериалдар
×

up