Мыкты сосиска. Бишкекте эт азыктарынын технологиясы боюнча алгачкы студенттик олимпиада өтүүдө (сүрөт)

Мыкты сосиска. Бишкекте эт азыктарынын технологиясы боюнча алгачкы студенттик олимпиада өтүүдө  (сүрөт)

Билим АКИpress - И.Раззаков атындагы Кыргыз мамлекеттик техникалык университетинде эт жана эт азыктарынын технологиясы боюнча I Эл аралык технологиялык олимпиада өтүүдө. Бул тууралуу аталган жогорку окуу жайдын басма сөз кызматы маалымдады.

Эл аралык технологиялык олимпиадага Кыргызстан, Казакстан жана Тажикстандагы жогорку окуу жайлардын студент-технологдорунан турган 5 команда катышып жатат.

Олимпиада 2 тур менен өтүүдө:

1-тур — теориялык. Студенттер эт азыктарынын, колбаса азыктарынын, эттен жасалган чалафабрикаттардын технологиялары боюнча тесттик суроолорго жооп беришип, чийки заттын сапаттык мүнөздөмөлөрүн, эт азыктарынын коопсуздук көрсөткүчтөрүн жана башкаларды аныкташат.

2-тур — практикалык. Ар бир өлкөнүн технолог командалары «Технолог» окуу практикалык борборунун эт иштетүү цехинде тиешелүү рецептура менен 5 кг сосиска жасап чыгышы керек.

Студенттердин иштерин Кыргызстандагы алдыңкы эт иштетүүчү мекемелердин адис технологдорунан турган калыстар тобу баалайт.

Иш чаранын негизги максаты — ЖОЖдор, билим берүү мекемелери жана жеке секторлор ортосундагы байланышты чыңдоо.

Олимпиада окуу жайдын 65 жылдыгына карата уюштурулган.

Комментарии будут опубликованы после проверки модератором
Для добавления комментария необходимо быть нашим подписчиком
Видеоматериалдар
Фотоматериалдар
×

up