«Манас» университетинде «Кыргыз жана түрк тилдерин аралыктан окутуу» порталы ачылды

«Манас» университетинде «Кыргыз жана түрк тилдерин аралыктан окутуу» порталы ачылды

Билим АКИpress - Кыргыз-Түрк «Манас» университетинде «Кыргыз жана түрк тилдерин аралыктан окутуу» программасынын ачылыш аземи ѳттү. Бул тууралуу аталган жогорку окуу жайдын ММК жана коомчулук менен байланыш бөлүмүнүн кызматкери Айзада Таласбаева маалымдады.

Анын маалыматы боюнча, иш-чарага окуу жайдын жетекчилиги, факультет декандары, Мамлекеттик тил боюнча улуттук комиссиянын ѳкүлдѳрү, БГУнун окутуучулары жана чет тилдер жогорку мектебинин окутуучулар жана студенттер жамааты катышты.

Иш-чарада деңгээлдер боюнча даярдалган «Алтын кѳпүрѳ» окуу топтомдорун порталга коюунун жүрүшү жана келечеги талкууланды. КТМУнун ректору, профессор Себахаттин Балжы, биринчи проректору, профессор Асылбек Кулмырзаев жана Мамлекеттик тил боюнча улуттук комиссиянын тѳрагасы, профессор Н.Ишекеев сѳз сүйлѳштү.

С.Балжы учурда дүйнѳдѳ тилдердин жашап калуу же ѳлүп жок болуу күрѳшү жүрүп жатканда жалпы эле түрк тилдерин мындай ыкчам ыргак менен техникага салып үйрѳтүү кызматтары абдан керектигин жана пайдалуу болорун баса белгиледи.

Биринчи проректор, профессор А.Кулмырзаев мындан 20-30 жыл мурда кыргыз тили мамлекеттик макамын алып, алгач окутуп-үйрѳтүү иштери башталган мезгилде кѳптѳгѳн кыйынчылыктар, методикалык жетишсиздиктер болуп келгендигин белгилеп, учурдагы ийгиликтер мамлекеттик тилди окуп-үйрѳнүүнү тездете турган баалуу методикалык ѳбѳлгѳ экендигине токтолду.

Кыргыз жана түрк тилдеринде даярдалган «Алтын кѳпүрѳ» окуу топтомдорун порталга даярдоонун жана коюунун башкы жетекчиси, ага окутуучу Мүхиттин Гүмүш ѳз сѳзүндѳ бул порталдын ачылышынын мааниси, аны техникалык жактан даярдоо жана монтаждоо, дизайн иштери, келечеги жана тил үйрѳтүү багытындагы жаңычылдыктар тууралуу сѳз кылды.

Аралыктан окутуу иштерин сайтка коюп жатышкан Чет тилдер жогорку мектебинин окутуучулары Ахмед Бугра Инал, Кыял Токтоналиева жана Венера Туратбек кызы порталды иштетүүнүн жана пайдалануунун жолдорун, сабактардын жайгаштырылышын, ѳзүн ѳзү текшерип жана баалоочу тесттердин коюлушун ж.б. кѳрсѳтүп беришти. Жетекчиликке «Аралыктан окутуу порталына» кирүүнүн сыр сѳздѳрү катылган конверттер тапшырылды.

Иш-чара жандуу маектешүү жана эстеликке сүрѳткө түшүү менен аяктады.

Маалымат: Аралыктан окутууда тил үйрөнүүчү атайын курска жазылып, убактысын кетирип, тил үйрөтүү дарсканаларына келип отурбай эле компьютерде отуруп, өз алдынча тил үйрөнүү мүмкүнчүлүгүнө ээ болот. Тил үйрөнүүнүн мындай жолу санарип жана заманбап техникалар аркылуу ишке ашат. Аралыктан окутуу сабактары жандуу, аудио жана видео формасында даярдалды. Тил үйрөнүүчү каалаган учурда, каалаган жерде жана каалашынча сабактарды кайра-кайра көрүп, маалымат алуу менен бирге тил үйрөнө алат. Булар билим берүүнүн рационалдуу, заманбап жана инновациялык системасы болуп саналат.

Үстүбүздөгү окуу жылынын башынан бери 140 видео, 150 аудио тексттери жазылды. Аудио жана видеолорду жаздырууда университеттин студенттери, кыргыз тил координаторлугунун окутуучулары жигердүү катышты. A1 жана A2 деңгээли боюнча жаздыруу жана монтаждоо иштери «Манас радиосу» бөлүмүнүн кызматкерлери тарабынан жасалды.

Тил үйрөнүүчү altinkopuro.manas.edu.kg дарегине кирип, виртуалдуу билим алуу мүмкүнчүлүнө ээ боло алат. Сабактар Европа портфолиосунун талаптарына ылайык даярдалып, тил үйрөнүүчүлөрдүн кенен аудиториясына сунушталат.

Комментарии будут опубликованы после проверки модератором
Для добавления комментария необходимо быть нашим подписчиком
Видеоматериалдар
×

up