Билим АКИpress - Майлуу-Суу шаардык билим берүү бөлүмү Улуу Жеңиштин 74 жылдыгына карата 3-майда «Бул Жеңиш күн!» акциясын өткөрдү. Бул тууралуу шаардык билим берүү бөлүмүнүн башчысы Д.Караева билдирди.

Акцияга Ч.Айтматов атындагы №1 жалпы билим берүүчү орто мектебинин жана №2, №8 жалпы билим берүү орто мектептеринин 9-11-класстарынын окуучулары катышты. Алар Улуу Ата Мекендик согушта курман болгон мекендештерибиздин урматына коюлган эстеликтин айлана-чөйрөсүн тазалап, бак-дарактарды актап, иретке келтиришти.

Иш-чаранын максаты – кыргыз элинин маданий мурастарын окуучуларга үйрөтүү жана аларды патриоттуулукка тарбиялоо.

⇳