Жаңы-Арык орто мектебинин биринчи корпусу 1947-жылы курулган, 2006-жылы капиталдык ремонт башталып 2012-жылы бүткөн. 2-корпусу 1978-жылы курулуп бүткөн, капиталдык ремонт 2006-жылы башталып 2008-жылы бүткөн. Мектептин 3-корпусу авариялык абалда. Эски типте салынган мектептин абалы канаагатандырбайт. Класс кабинеттери аз, таардыгынан окуучулардын окуусуна тоскоолдугу тиет, окуучулардын дене тарбия иштерин жүргүзүүгө спорт зал жок.  Кышында күн жааган учурда окуучулар спорт оюндарын ойной албай калышат. Класс ичинде гана шашки, шахмат ойноо менен гана чектелип калат. Компьютердик класстын кичинесинен, тардыгынан окуучулар эркин кыймылдай алышпайт. Актовый залдын ичи канааттандырбайт., окуучулар менен иштей келгенде өтө тардык кылат. Мектеп ичиндеги окуучулар тамактануусуна ашкана талапка жооп бербейт. Класс кабинетине китепкана жайгашкан. Шыбалган шыбактары ремонт мезгилинде жасалса дагы бир нече айдан кийин шыбактары түшүп калат. 1990-жылы жаүы мектеп курууга айылдын ортосунан котлаван казылып, ошол бойдон калып калган. Мектеп 150 окуучуга ылайыкталган болсо дагы, азыркы учурда 303 окуучу окуп жатат. Мектеп 2-сменде окуп жатат. Сабактан кийин кружокторду, кошумча сабактарды өтүүгө класстар бош эмес.