Жалал-Абад мамлекеттик университетинин аймактык билим берүү мекемелериндеги студенттер арасында 14-майда ХI предметтик олимпиада өткөрүлдү. Олимпиаданы Кочкор-Атадагы колледждин директору Ихтибар Молдокеримова ачып, ЖАМУнун илимий иштер боюнча проректору Курманбек Сарманович Алыбаев предметтик олимпиаданын тарыхы, максаты, милдеттери жана билим берүү процессиндеги орду жөнүндө айтты.
Студенттик олимпиадага ЖАМУнун Жалал-Абад, Кочкор-Ата, Майлуу-Суу, Т.Бекболотов атындагы Аксы, Кара-Көл жана медициналык колледждеринин жетекчилери, окутуучулар жана колледждердин деңгээлинде өткөрүлгөн олимпиадалардын II турунун жеңүүчүлөрүнөн жалпы 86 студент катышты. Студенттер 11 предмет боюнча 9-жана 11-класстын базасында күч сынашып, жыйынтыгында жеңүүчүлөр университеттин дипломдору менен сыйланышты.
Олимпиадада биринчи орунду алган студенттер:
- 11-класстын базасында Жалал-Абад колледжинин студенти Абидинова Айсулуу (орус тили);
- Кочкор-Ата колледжинин студенти Канатбек уулу Медер (информатика);
- Майлуу-Суу колледжинин студенти Арапов Алтынбек (англис тили);
- Медициналык колледждин студенттери Мейманбаев Сыймык (математика), Замир кызы Дильноз (тарых);
- Аксы колледжинин студенттери Айбекова Айтурган (кыргыз тили), Сыдыгалы кызы Нуриза (экономика);
- Кара-Көл колледжинин студенти Жанызакова Жаркынай (педагогика);
- 9-класстын базасында Жалал-Абад колледжинин студенттери Азимжанова Азиза (англис тили), Кубатбек кызы Акшоола (тарых), Оӊолбекова Тургунай (физика), Момукулова Айназик (орус тили);
- Кочкор-Ата колледжинин студенттери Рахманова Дилфуза (математика), Мамирова Озода (биология);
- Майлуу-Суу колледжинин студенти Рустемова Азем (химия);
- Кара-Көл колледжинин студенти Султанова Айзада (кыргыз тили).
ЖАМУнун колледждеринин студенттеринин арасында өткөрүлгөн ХI предметтик олимпиаданын жыйынтыгы:
№ Колледждердин аталышы / 1-орун / 2-орун / 3-орун / жалпы
1. Жалал-Абад колледжи - 5 / 6 / 5 / 16
2. Кочкор-Ата колледжи - 3 / 4 / 6 / 13
3. Майлуу-Суу колледжи - 2 / 3 / 2 / 7
4. Медициналык колледж - 2 / 3 / - / 5
5. Т.Бекболотов атындагы Аксы колледжи - 2 / 2 / 3 / 7
6. Кара-Көл колледжи - 2 / 2 / 3 / 7.