М.М.Адышев атындагы Ош технологиялык университетинин архитектура жана курулуш факультетинин жамааты коронавирус инфекциясынын жайылуусуна каршы күрөшүү үчүн жардам иретинде Ош облустук тери-венерологиялык оорулар борборуна 27 даана коргонуучу кийим жана Ош облустук кургак учук менен күрөшүү борборуна 30 даана коргонуучу кийимдерди тапшырып келишти.
Ошондой эле мындан бир канча күн мурда факультеттин жамааты «кызыл зонада» иштеп жаткан медицина кызматкерлерине медициналык жеке коргонуучу каражаттарды алып беришкен. ОшТУ акыркы кырдаалга байланыштуу буга чейин да бир канча жардамдарды көрсөткөн.