ОшТУнун академик Б.Мурузбраимов атындагы Өзгөн технологиялык жана билим берүү институтунда «Эмгек рыногунун кызматтарынын сапатын жакшыртууда Германиянын эл аралык кызматташтык коомунун GIZ программасы менен бирдикте иш менен камсыз кылууга жана кесиптик окутууга көмөк көрсөтүү» программасы боюнча буга чейин аткарылган жана 2023-жылга чейин жаштарды кесиптик багыттоо тутумун өнүктүрүү жаатында алдыда аткарыла турган иштер туурасында өнөктөштөр ортосунда тегерек стол болуп өттү.

Маалымат үчүн: 2020-жылы бул өнөктөштөр 8 тараптуу меморандум (Германиянын эл аралык кызматташтык коому, Өзгөн райондор аралык эмгек жана социалдык өнүгүү башкармалыгы, Өзгөн шаардык билим берүү бөлүмү, Ош облустук жаштар иштери, дене тарбия жана спорт башкармалыгы, «Аталык-Өзгөн» жоопкерчилиги чектелген коому, Т.Каримов атындагы «Өзгөн Дан-Азык» акционердик коому, №62 кесиптик лицей жана ОшТУнун Өзгөн институту) түзүлүп, өз ара кызматташуу боюнча кол коюлган.