2022-жылдын 30-мартында К.И.Скрябин атындагы Кыргыз улуттук агрардык университетинин жыйындар залында агрономия жана токой чарба факультетинин токой чарба багытында билим алып жаткан студенттер мамлекеттик тил жана табия иштери боюнча проректор, педагогика илимдеринин доктору, прфессор С.Батаканова, токойчулук жана мөмө-жемиш өстүрүү кафедрасынын башчысы, айыл чарба илимдеринин доктору К.Тургунбаев, профессор-окутуучулар, Айыл чарба министрлигине караштуу Токой чарба кызматы агенттигинин башкы адистери менен жолугушуу өткөрүлдү.

Иш-чарада токой кызматынын актуалдуу маселелери каралып, токой мамлекеттин байлыгы, энчиси экендиги, аны көздүн карегиндей сактоо керектиги тастыкталды. Ошондой эле токой аянтын көбөйтүү, көчөттөрдү өстүрүү, өрт коопсуздугун алдын алуу, токой зыянкечтерине каршы күрөшүү, токой кызматын санариптештирүү багытында аткарылып жаткан долбоорлор тууралуу презентациалар жазалды. Студенттердин суроолоруна жооптор алынды.

Токой чарба кызматынын адистери тарабынан токой чарба багытынын бүтүрүүчүлөрүнө кызмат орундары сунушталды.