Казакстандын улуттук «Бобек» кыймылы, Жаш окумуштуулардын эл аралык ассоцияциясы (Казахстан, Нур-Султан) тарабынан уюштурулган сынакка КМШнын жогорку окуу жайларынын студенттери катышты.
Сынакта студенттердин илим, искусство, спорт жана башка багыттар боюнча ийгиликтүү жана жигердүү иш-аракеттери каралды.
Жыйынтыгында ОшМУнун эл аралык медицина факультетинин 6-курсунун студенти Мохд Файзан Сидикки илим жана искусстводогу ийгиликтери жана коомдук иштерге жигердүү катышкандыгы үчүн I даражадагы диплом жана «КМШнын мыкты студенти – 2022» медалы менен сыйланды.
Бул сыйлыктарга ээ болгон студенттер «Таланттуу жаштардын эл аралык энциклопедиясы, «КМШнын мыкты студенти – 2022»» жыйнагына киргизилет.
Мохд Файзан Сидикки 2021-жылы ушул эле номинациянын «Жаш окумуштуу» наамын алган. Студентти эл аралык медицина факультетинин деканынын милдетин аткаруучу Р.Калматов куттуктады.