22-23-октябрь күнү Ош шаарыда “Суу ресурстарын башкаруу жана сууну тазалоонун заманбап технологиялары” аттуу семинар болуп өттү. Семинардын ачылуу аземинде Ош технологиялык университетинин ректору, профессор А.О.Абидов, Норвегия табигый илимдер университетинин профессору Харма Ратнавиера куттуктоо сөздөрүн айтышты.
Бул долбоордо университеттин өнөктөшү катары Бишкек шаарынан Ж.Баласагын атындагы Кыргыз улуттук университети, Ош шаарынан Ош технологиялык университети катышты. Долбоор суу ресурстарын туура пайдалануу, аны тазалоонун жаңы методикаларын жана технологияларын колдонуу маселелерине багытталган.