11:16 23 ноября 2019

ЖАМУ студенттер арасында «Достук кубогу» аталышындагы интеллектуалдык таймаш өткөрдү

Б.Осмонов атындагы Жалал-Абад мамлекеттик университети «Достук кубогу» аталышындагы интеллектуалдык таймаш өткөрдү.

Таймаш ЖАМУнун Жаштар комитетинин колдоосу аркылуу активдүү студенттердин демилгеси менен уюшулган. Ага шаардагы жогорку окуу жайлардын студенттери катышып, жалпы 5 команданын ортосунда таймаш жүрдү.

Жаштар комитетинин өкүлү Искендер Зиябидин уулунун айтымында, таймашка ЖАМУнун студенттеринен команда катышкан жок. Анткени окуу жай уюштуруучу катары чыкты. Ал эми иш-чарада тарых, спорт, дин жана музыка багыттарындагы суроолор берилди.

Берилген суроолорго так жана туура жооп берип, жыйынтыгында Т.Токтомаматов атындагы Эл аралык университети 1-орунду, Укук, бизнес билим берүү академиясы 2-орунду, «Нур» колледжи 3-орунду камсыз кылышты.

Бул иш-чараны өткөрүү кезеги Ш.Токтомаматов атындагы Эл аралык университетине эстафета катары өткөрүлүп берилди.

Автордун стилистикасы жана грамматикасы сакталды
Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
×

up