14:25 23 января 2020

Президенттик стипендияга татыган студент А.Атабаева Нойгут айылынын жаштары менен жолугушту

Ош гуманитардык-педагогикалык институтунун Кыргыз-Россия факультетинин 4-курсунун студенти жана президенттин «Үмүт» стипендиясынын ээси Аида Атабаева Ноокат районунун Нойгут айылынын жаштары менен жолугушуп, маек курду.

Жолугушуу «Нойгут жаштары» фонду жана Нойгут орто мектеби тарабынан учурда жаштарга үлгү болуп, ийгиликтүү жаштарды ар тараптан колдоо максатында уюштурулду.

Иш-чарага Кара-Таш айыл өкмөтүнүн өкүлдөрү, Нойгут айылынын башчысы, мектеп жетекчилиги, айылдын тургундары жана окуучулар катышты.

А.Атабаева аталган айыл өкмөттүн жана мектептин ардак грамотасы жана акчалай сыйлыгына ээ болду. Жолугушууда Аида жаштардын ар тараптуу суроолоруна жооп берүү менен окуучуларды татыктуу билим алууга үндөп, аларга ийгилик каалап, уюштуруу тобуна ыраазычылыгын билдирди.

Бул саамалык учурда ийгилик тепкичин аттап келе жаткан жаштарга дем-күч берерин ошондой эле бул сыяктуу иш-чаралар байма-бай уюштурулуп турса, келечек ээлери болгон жаштардын туура нукка калыптануусуна мыкты түрткү болорун жергиликтүү жетекчилер баса белгилешти.

Автордун стилистикасы жана грамматикасы сакталды
Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
Фотоматериалы
×

up