ЖАМУнун Кыргыз тили кафедрасы студенттердин ата-энелери менен жолугушуу уюштурду. Жолугушуу 5-мартта орун алганын кафедра башчысы Гүлжан Бакирова билдирди.

Анын маалыматы боюнча, студенттердин ата-энелери менен жолугушуусу буга чейин да болуп келген. Бул жолу Кыргы тил 1-15 тайпасынын студенттеринин жакындары келишти. Жолугушууга тайпада билим алган 23 студенттин баарынын ата-энелери келген.

Г. Бакирова кошумчалагандай, жолугушууга келген ата-энелер окуу жайдын корпустары менен, балдарынын билим алуусуна түзүлгөн шарттар менен таанышты. Ошондой эле, алар студенттин билим сапаты AVN системасы менен бааланып, заманбап шарттар менен камсыз болгонуна ыраазычылыктарын билдиришти. Мындан ары да окуу жай менен тыгыз байланыш уланары айтылды.