Жалал-Абад мамлекеттик университетинин 10 окутуучусу Улуу Жеңиштин 73 жылдыгына карата “Мен атамды жана агаларымды эскерем” аталышындагы веложүрүшкө чыгышты.
Веложүрүшкө шаардагы мекеме-ишканалардын кызматкерлери катышты. Велосипедчилер калаа четинде жайгашкан “Байэль” базарынан “Эркиндик” аянтына чейин жүрүш жасашты.
"Өз жанын аябай, каардуу согушка катышып, бизге бакубат жашоону, эркиндикти ыроологон аталарыбызга терең таазим этебиз. Кийинки муун алардын эрдигин эч качан унутпайт", – дешти жүрүшкө катышкан ЖАМУнун окутуучулары.
Ал эми аталган веложүрүш шаардык мэрия тарабынан Улуу Жеңиштин 73 жылдыгына карата уюшулду.