2018-жылдын 1-июнунда биринчи вице-премьер-министр К.А.Боронов, билим берүү жана илим министри Г.К.Кудайбердиева К.И.Скрябин атындагы Кыргыз улуттук агрардык университетине расмий сапар менен келишти.

Мал чарба жана жайыт илимий-изилдөө инстиутунда, билим берүү, илимий-инновациялык борборунда болушуп, андан соң, университеттин материалдык-техникалык базасы, окуу-методикалык жабдыктары, лабораториялары, окуу-тажрыбалык күнөсканасы, айыл чарба техникарары, спорт комплекси менен таанышты. Ошондой эле студенттик жатаканада болушуп, студенттердин жашоо шартын көрүштү.