Кыргыз тилдүү бизнес тренер Аксана Рыскулова Жалал-Абад шаарынын айымдары, тагыраагы ЖАМУнун студент-кыздары, мугалимдери үчүн 26-сентябрда "Аялдык бакыт жана акча" деген аталышта тренинг өттү. Ага 400гө чукул адам катышып, ал жерде мотивациялык сөздөр айтылды.
Тренер Аксана Рыскулованын айтымында аялзатынын ийгилик жолундагы тоскоолдуктары:
1. Өзүнө болгон ишенимдин жоктугу;
2. Өзүн баалабайт, сүйбөйт;
3. Убакытты жана акчаны өзүнөн аяйт;
4. Өзүн өнүктүрбөйт;
5. Спорт менен машыкпайт;
6. Жакшы кийимге жана эс алууга акчасы жетишпейт. Аталган категориялар аялзатынын ийгилик жолуна тоскоолдуктарды жаратып, жашоосун татаалдантат.
Бул тренинг ЖАМУнун жаштар комитетинин 2018-2019-окуу жылындагы алгачкы чоң масштабдагы иш-чарасы болду. Максаты аялзатына көңүл буруу, алардын аң сезимдүү түрдө жашоого болгон көз карашын калыптандыруу, турмуш менен ишти бир калыпта алып кетүү сыяктуу багыттарды камтыган тренинг болуп саналат.