ОшМУга Кыргызстандын 7 дубанындагы 6 ЖОЖдон ички академиялык мобилдүүлүк боюнча келген 35 студентке эл аралык байланыштар бөлүмү жана “StudDIPLOMACY” студенттик бирикмеси мотивациялык иш-чара уюштуруп берди. Жыйындагы спикерлер:
1. Расулбек Абазбек уулу - проректор;
2. Эрлан Камалов – эл аралык мамилелер факультетинин деканы;
3. Алтынай Мамарасул кызы – эл аралык деңгээлдеги спорт чебери.
Алар студенттерге ийгиликке жетүүдөгү ийги жолдор туурасында пикирлерин ортого салышып, өздөрүнүн акыл-насааттарын, кеп-кеңештерин айтышты. “Айтар сөзүң алтын болсо, угар кулак каухар болсун” дегендей, жаштардын жашоодо ар дайым активдүүлүк көрсөтүп, мекенине, эли-жерине, ата-энесине кызмат кылган, келечеги кең уул-кыздардан болуусуна шык беришти. Студенттер өздөрүнүн кызыккан суроолоруна жоопторду алышты.