ЖАМУнун Жаштар комитети тарабынан 17-октябрь күнү факультеттер аралык "Тамашоу" оюнунун 2-сезонунун ачылыш аземи болуп өттү. Ага ар факультеттин курама командалары катышып, күч сынашты, дейт уюштуруучулар.
Аталган оюн 4 категориянын негизинде өттү:
1. Саламдашуу ;
2. Freestyle;
3. Үй тапшырма (музыкалык сынак);
4. Суроо-жооп.
"Оюнга жалпысынан 7 команда катышып, иш-чаранын жыйынтыгында башкалардан өзгөчөлөнүп, "Мыкты команда" номинациясы менен экономикалык-юридикалык факультетинин курама командасы сыйланды. "Мыкты оюнчу" деп педагогика жана маалымат технологиялар факультетинин курама командасынын оюнчусу Касымбек кызы Нуриза аталды. Ал эми "Мыкты тамаша" номинациясы медколледждин "Медлайн+" командасына ыйгарылды", - деп билдирди Жаштар комитеттин төрагасы Адилет Усенов.
Калыстар тобу:
Рыспай Шаимкулов – калыстар тобунун төрагасы, маданий эстетикалык борбордун жетекчиси,
Адилет Усенов – мүчө, Жаштар комитетинин төрагасы,
Исхак Аширалиев – мүчө, Жалал-Абад "Тамашоу" лигасынын өкүлү,
Айдана Айдаралиева – мүчө, ЖАМУнун "JASU STAR'S" курама командасынын мүчөсү.
Жалал-Абад мамлекеттик университетинде жалпы 6 факультет, 6 колледж жана 2 институт өз ишмердүүлүгүн жүргүзүп келет.