14:53 5 декабря 2018

Оштогу ЖОЖдордун мугалим-эжейлери волейбол боюнча мелдеште күч сынашты

25-ноябрдан 10-декабрга чейин өтүүчү «Бүткүл дүйнөлүк аялдарга карата зордук-зомбулукка каршыбыз» аттуу 16 күндүк акциясынын алкагында Ош шаарындагы ЖОЖдор арасында 40 жаштан жогорку мугалим-эжейлердин ортосунда спорттун волейбол түрү боюнча мелдеш өттү.

Спорттук мелдеш 3-декабрь күнү Ош технологиялык университетинде өтүп, аны Жогорку Кеңештин депутаттары Айнуру Алтыбаева менен Аида Касымалиева демилгелешкен. Алар бүгүнкү күндөгү кыргыз коомундагы аялдардын зордук-зомбулуксуз жашоосуна шарт түзүү максатын билдиришти.

Таймашка 6 команда катышып, алардын ичинен Ош мамлекеттик университетинин эжекелер командасы 1-орунга жетишип, кубок, диплом жана акчалай сыйлык менен сыйланышты.

Бул саамалык мындан ары 3 ай сайын кезеги менен окуу жайларда өткөрүлүп турмакчы. Кийинки эстафетаны Ош гуманитардык-педагогикалык институту алды.

Автордун стилистикасы жана грамматикасы сакталды
Комментарии в ВЫХОДНЫЕ дни и НОЧНОЕ время (с 18.00 до 9.00 по Бишкеку) будут опубликованы после проверки модератором.
Для добавления комментария необходимо быть нашим подписчиком
Видеоматериалы
Фотоматериалы
×

up