2019-жылдын 26-февралында Жогорку Кеңештин депутаты Кенжебек Бокоев К.И.Скрябин атындагы Кыргыз улуттук агрардык университетине келип, университеттин материалдык-техникалык базасы, окуу лабораториялары, лингафондук кабинеттери, окуу аудиториялары, илимий электрондук китепканасы, спорт комплекси, музейи менен таанышты.
Ошондой эле студенттердин билим алуусуна жогорку деңгээлде шарттар түзүлгөнүнө күбө болуп, КУАУнун ректору Р.Нургазиевге ыраазычылык билдирди. Андан сырткары, окуу жайдын жамааты жана студенттери менен жолугушуу өткөрүп, профессор-окутуучулардын, студенттердин суроолоруна жооп берди.