Ош мамлекеттик университетинин жалпы жамааты 16-мартта өлкө боюнча өткөн жалпы республикалык ишембиликке катышты.
Университеттин ректору Каныбек Исаков башында турган профессордук-окутуучулук курам, кызматкерлер, студенттер бардык факультет, колледж, лицейлерде, жатканаларда ишембилик өткөрдү. Окуу жайдын имараттарынын ичи, тышы, имараттардын айлана-тегеректери, Ош шаарынын борбордук көчөлөрү, арыктар, жалпы университетке бөлүнгөн тиешелүү аймактар тазаланды. Ошондой эле ОшМУнун Академиялык жаштар паркына 400гө жакын арча көчөттөрү отургузулуп, жакшы тилектер айтылды.