15:45 14 июня 2019

ТалМУда «Ош декларациясынын» IV отуруму башталды

Аймактарды өнүктүрүү жана өлкөнү санариптештирүү жылына карата Талас мамлекеттик университетинде 14-июнда «Студенттер билимдүү, бирдиктүү Кыргызстан үчүн!» деп аталган достук фестивалы башталды. 2016-жылы Ош мамлекеттик университетинин демилгеси менен ички академиялык мобилдүүлүктү өнүктүрүүгө багытталып түзүлгөн «Ош декларациясы» быйылкы жылы төртүнчү ирет өтүп жатат.

Өлкөнүн 7 дубанынын жогорку окуу жайларынын ички өнөктөштүк байланыштарын жакшыртып, алардын достук көпүрөсү болуу менен билимдүү жана бирдиктүү жаштарды тарбиялоодо өзүнүн үзүрлүү салымын кошууга багытталган фестивалга декларацияга кирген Ысык-Көл, Баткен, Жалал-Абад, Нарын, Талас, Ош мамлекеттик университеттери жана быйылкы жылы катышып жаткан Ж.Баласанын атындагы Кыргыз улуттук университети, Кыргыз-Өзбек университеттеринин ректорлору, окутуучулары, таланттуу студенттери катыштууда.

Фестивалдын жүрүшүндө «Ош декларациясын» түзүүдө демилгечи болуп, учурда анын өсүп-өнүгүүсү үчүн салым кошуп келе жаткан ОшМУнун ректору, профессор Каныбек Исаков 4 жылдагы ийгиликтер боюнча маалымат берди.

«Ош декларациясына» кирген окуу жайлардын ректорлору ОшМУнун демилгеси менен быйылкы жылы декларацияга жаңыдан кирип жаткан КУУ, Кыргыз-Өзбек университеттеринин ректорлору жана Германиянын Түштүк Саксония университети менен келишимдерге кол коюшту.

Программанын алкагында окуу жайлардын таланттуу студенттери фестивалга катышып, Талас жергесиндеги «Манас Ордого» зыярат кылышат.

Автордун стилистикасы жана грамматикасы сакталды

Автордун башка жаңылыктары

ОшМУда «Орто Азия мамлекеттеринде социалдык иштер боюнча кадрларды даярдоо тенденциялары жана көйгөйлөрү» аттуу эл аралык илимий-практикалык семинар уюштурулду

ОшМУда Алымбек Датканын 220 жылдык мааракесине арналган илимий-практикалык конференция өттү

ОшМУда «Орус, англис жана түрк тилдери» аталышындагы XXXII эл аралык илимий семинар уюштурулду

ОшМУда жабык типтеги спорт комплекс пайдаланууга берилди

ОшМУнун ректору болуп Кудайберди Кожобеков шайланды

Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
Фотоматериалы
×

up