М.Адышев атындагы Ош технологиялык университетинин энергетика факультетинде 22-декабрь — Энергетиктер күнүнө карата «Кыргызстандагы энергосистеманын бүгүнкү күндөгү көйгөйлөрү жана аны чечүү жолдорун изилдөө» темасында тегерек стол уюштурулду.

Иш-чарага «ОшЭлектро» ишканасынын Окуу борборунун башчысы Жамшид Өжөрбаев, Кыргыз-Өзбек университетинин доценти Өскөнбай Дилишатов, энергетика факультетинин жалпы жамааты жана студенттери катышты.

Тегерек столдо Окуу борбордун башчысы Ж.Өжөрбаевдин «Кыргызстандын энергетика системасынын бүгүнкү күндөгү абалы, көйгөйлөрү жана аны чечүү жолдорун изилдөө» темасындагы баяндамасы, КӨУнин доценти О.Дилишатовдун «Кыргызстандагы санариптештирүүдө энергетиканын орду» темасындагы баяндамасы жана энергетика факультетинин деканы М.Токоевдин «Академиялык мобилдүүлүктү күчөтүү» деген баяндамасы окулду.