16:34 14 января 2020

ЖАМУнун окутуучулары «Ден соолук - 2020» спартакиадасында күч сынашты

Б.Осмонов атындагы Жалал-Абад мамлекеттик университетинин профессордук-окутуучулар курамынын жана кызматкерлердин, факультеттер жана структуралык бөлүмдөр арасында «Ден соолук - 2020» аталышындагы спартакиадасы жыйынтыкталды.

Мелдешке жалпы 7 курама команда катышып, 8-январдан 12-январга чейин созулду. Спартакиадада аялдар жана эркектер арасындагы командалар стол үстүндөгү теннис, тогуз коргоол, шахмат, футбол, волейбол жана аркан тартыш оюндары боюнча күч сынашты.

Иш-чараны ЖАМУнун Ден соолук борбору ректорат менен биргеликте уюштурган.

Спартакиаданын соңунда жеңүүчүлөргө уюштуруучулар тарабынан акчалай сыйлыктар жана дипломдор тапшырылды.

Жыйынтыгында мыкты курама командалар аныкталды:

- 1-орун — ректорат;

- 2-орун — педагогика жана маалымат технологиялар факультети;

- 3-орун — табигый-техникалык факультети;

- 4-орун — медицина факультети;

- 5-орун — филология факультети;

- 6-орун — экономикалык-юридикалык факультети;

- 7-орун — майда тейлөө персоналы.

Автордун стилистикасы жана грамматикасы сакталды
Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
×

up