Ош технологиялык университетинин студенттер үйүндө «Жатакана кечеси» болуп өттү.
Салтанаттуу иш-чарага жаткананын бардык студенттери жана кызматкерлери катышты. Алгач аларды ОшТУнун студенттер үйүнүн директору Сардар Жусубалиев куттуктап, окууларына жана иштерине ийгиликтерди каалады. Таланттуу студенттердин аткаруусунда мукамдуу музыка менен жагымдуу ырлар жаңырып, майрамдык маанай өкүм сүрдү. ОшТУнун Жаштар комитети куттуктоо айтып, майрамдык каалоолорун билдиришти.
Иш-чаранын соңунда активдүү студенттер Ардак грамоталар менен сыйланды.