Ош технологиялык университетинде Студенттик акыйкатчы аппараты тарабынан парламенттик дебат турнири болуп өттү.
Аталган иш-чарага жалпысынан 16 команда катышып, 3 команда жеңишке жетишти.
1-орунду «Тайфун» командасы, 2-орунду «Багыт» командасы жана 3-орунду «Система» командасы камсыздап, уюштуруу тобу тарабынан кубок, диплом жана баалуу белектер менен сыйланышты.
Иш-чара студенттердин конституциялык, академиялык укуктарынын жана эркиндиктеринин сакталышын камсыз кылуу, студенттердин оратордук сөз чеберчилигин өстүрүү, сапаттуу билим алууга багыттоо, парламенттик дебатты ойноого үйрөтүү жана студенттер ортосундагы достук мамилени чыңдоо максатында уюштурулган.