Ош технологиялык университетинин жамааты жардам катары Ош шаардык клиникалык ооруканасына 200 миң сомго бааланган 3 даана кычкылтек концентраторун, 10 даана комплект медициналык коргонуучу кийимдерди жана бет каптарды алып берди.
Аталган жардамды ОшТУнун ректору, профессор Абдыкадыр Абидов баштаган жетекчилер 23-июлда Ош шаардык мэриясына тапшырып берди.
Ош шаарынын мэри Таалайбек Сарыбашов университеттин ректору Абдыкадыр Абидов баштаган жетекчилерди кабыл алып, окуу жайдын жамаатына ыраазычылык билдирди.