ОшМУ Кытайда эң мыкты деп таанылып, алтын медалга татыды

ОшМУ Кытайда эң мыкты деп таанылып, алтын медалга татыды

Билим АКИpress - 12-декабрь күнү Кытайдын Сиан шаарында дүйнөнүн 625 университетинде жайгашкан Конфуций институттарынын жыл жыйынтыктоочу салтанаттуу жыйыны башталды. Жыйынга дүйнөдөгү Конфуций институттары ачылган университеттердин ректорлору жана директорлору катышып, жыл жыйынтыгын чыгарышты.

Ага Кытай Эл Республикасынын мамлекеттик кеңешинин вице-премьери, Конфуций институттарынын Штаб квартирасынын кеңешинин төрайымы Лю Яндун катышып, «Улуу Жибек жолу —  бир жол, бир кур» стратегиялык программасы боюнча аткарылып жаткан иштер, перспективалары жөнүндө кеңири мазмундуу баяндама жасады.

Андан соң Кытай Эл Республикасынын мамлекеттик кеңешинин вице-премьери жыл бою айырмаланган жетекчилерге, илимпоздорго үзүрлүү эмгектери үчүн түрдүү номинациялар боюнча сыйлыктарды жана медалдарды тапшырды.

2017-жылдын жыйынтыгы боюнча ОшМУнун Конфуций институту жемиштүү жана изденгич эмгеги үчүн «Жылдын мыкты институту» номинациясына ээ болду.

Ал эми ОшМУнун ректору, профессор Каныбек Исаковго кыргыз-кытай мамилелерин өркүндөтүүгө кошкон бараандуу салымы жана ОшМУнун Конфуций институтуна өзүнчө курган окуу имараты, жатаканасы үчүн жана материалдык-техникалык базасын чыңдоого, окуу-усулдук потенциалын жогорулатууга кошкон демилгелүү салымдары, жаштарга терең билим берүүдөгү ишмердүүлүгү үчүн дүйнөлүк Конфуций институтунун башкы башкармалыгы тарабынан «Жылдын мыкты жетекчиси» номинациясы жана алтын медалы ыйгарылды. Сыйлыкты Кытай Эл Республикасынын мамлекеттик кеңешинин вице-премьери салтанаттуу түрдө тапшырды.

Ошондой эле, ОшМУнун HSK борбору «Мыкты тестирлөө» номинациясын женип алды. Ал эми, экинчи сыйлыкты ОшМУнун ректору Каныбек Исаковго Конфуций институттарынын башкы башкармалыгынын жетекчиси тапшырды.

Комментарии будут опубликованы после проверки модератором
Для добавления комментария необходимо быть нашим подписчиком
Видеоматериалдар
×

up