Илимдер академиясында КМШ өлкөлөрүнүн интеграциялык өнүгүүсүнүн мүмкүнчүлүктөрү талкууланат

Илимдер академиясында КМШ өлкөлөрүнүн интеграциялык өнүгүүсүнүн мүмкүнчүлүктөрү талкууланат

Билим АКИpress - 17-19-сентябрда «Жаннат Ридженси» отелинин жыйындар залында «Изилдөөчүлөрдүн жана эксперттердин диалогу — КМШ өлкөлөрүнүн интеграциялык өнүгүүсүнүн мүмкүнчүлүктөрү» аталышындагы Эл аралык илимий-практикалык конференция өтөт.

Конференцияга КМШ өлкөлөрүнүн: Азербайжан, Белоруссия, Казакстан, Молдова, Россия, Тажикстан, Түркмөнстан, Өзбекстан жана Украинанын илимий уюмдарынын жана ЖОЖдорунун өкүлдөрү катышат. Иш-чаранын катышуучулары илимдин жана билимдин ар кандай тармактарындагы мамлекет аралык кызматташууну өнүктүрүү боюнча илимий идеяларды жайылтуу мүмкүнчүлүктөрүн талкуулашат.

Пленардык жыйындарда жана адистик секцияларда жыйындын катышуучулары кесиптик аракеттешүүнүн ар кандай аспектилеринин концептуалдык негиздери боюнча пикир алышат.

Талкуунун темалары: Өлкөлөрдүн заманбап интеграциялануусу: социалдык-экономикалык аспекттер, ЕАЭБдин санариптик экономикасы: коомдук мейкиндикти санариптештирүү шартында өнүктүрүү стратегиясы, маданий парадигманын алмашуусу, ааламдык интеграциялык процесстердин контекстинде «Ири Евразия» («Большая Евразия») платформасын калыптандыруунун концептуалдык негизи, ааламдашуу шартында КМШ өлкөлөрүнүн экономикалык өнүгүүсүнө камсыздандыруу секторунун таасири, венчурдук инвестициялоо системасында маалыматтык технологияларды пайдалануу, өлкөлөрдүн туруктуу өнүгүүсү үчүн суу ресурстарынын мааниси, Ч.Айтматовдун чыгармаларындагы мифтердин жана легендалардын көркөм өзгөчөлүктөрү, ЕАЭБ жана «Жибек Жолунун экономикалык курун» бириктирүү алкагындагы экологиялык көйгөйлөр.

Конференциянын ачылышында УИАнын вице-президенти, корреспондент-мүчө О.Тогусаков, УИАнын Ж.Алышбаев атындагы Экономика институтунун директору экономика илимдеринин доктору Т.Дыйканбаева, Түркмөнстан УИАсынын академиги Рахмангулы Эседулаев, РИАнын Ыраакы Чыгыш бөлүмүнүн башкы окумуштуу катчысы В.Богатов куттуктоо сөзүн сүйлөшөт.

Коомдук идеологиянын негиздери боюнча Апас Бакиров билдирүү жасайт. Ошондой эле конференциянын катышуучулары экономикалык өнүгүүнүн жана ийгиликке жетүүнүн, жогорку билим берүү системасындагы ааламдашуу жана санариптешүүнүн көйгөйлөрүн, технопарктардын ишмердигиндеги жана бизнес чөйрөнү жакшыртуу тенденциясынын көйгөйлөрүн жана ишкердикти өнүктүрүү боюнча маселелерин карашат.

Иш-чаранын уюштуруучулары — УИАнын Ж.Алышбаев атындагы Экономика институту, КМШнын Мамлекет аралык гуманитардык кызматташуу фонду.

Комментарии в ВЫХОДНЫЕ дни и НОЧНОЕ время (с 18.00 до 9.00 по Бишкеку) будут опубликованы после проверки модератором.
Для добавления комментария необходимо быть нашим подписчиком
Видеоматериалдар
Фотоматериалдар
×

up