Билим АКИpress - Ош технологиялык университетинде «Сежоң Хагдан» корей борбору 2026- жылдын жазгы семестрине жаңы студенттерди жана окуучуларды кабыл алды.

Борбордо башталгыч корей тил курсуна каттоо аяктап, жазгы семестрдин салтанаттуу ачылыш аземи өткөрүлдү. Иш-чарага окуу жайдын Сырткы байланыштар жана өнүктүрүү боюнча проректор, ф.и.д., профессор А.Т. Акматалиев, борбордун окутуучулары жана студенттери катышты.

Ачылыш аземи концерттик программа менен коштолуп, корей элинин улуттук ыр-бийлери аткарылды.

Белгилей кетсек, Ош технологиялык университетинде «Сежоң Хагдан» корей борбору 2008-жылы ачылып, бүгүнкү күндө корей улутундагы адистер эмгектенип, студенттерге корей тилин үйрөтүп келишүүдө.

⇳