2026-жылдын 7–8-февралында Кытай Эл Республикасынын Тяньцзинь шаарында өткөн жеңил атлетика боюнча Азия чемпионатында ОшТУнун бүтүрүүчүлөрү жогорку жыйынтыктарга жетишишти. Бул тууралуу аталган окуу жайдан билдиришти.
Мелдештин жүрүшүндө спортчулардын бири 3000 метр аралыкка чуркоодо 8 мүнөт 23 секунд жыйынтык көрсөтүп, бешинчи орунду ээледи. Ошондой эле 1500 метр аралыкта 3 мүнөт 54 секунд жыйынтык менен чуркап өтүп, Кыргыз Республикасынын спорт чебери наамын аткарды.
«Бул жетишкендиктер Ош технологиялык университетинин бүтүрүүчүлөрү ар кайсы тармакта, анын ичинде спортто да жогорку ийгиликтерге жетишип жатканын далилдейт. Ош технологиялык университети спортчуларыбызды бул ийгиликтери менен чын жүрөктөн куттуктап, мындан аркы спорттук ишмердүүлүгүнө ийгиликтерди каалайт», - деп айтылат маалыматта.
Материалды сайттан көчүрүп алуу редакциянын жазма уруксаты менен гана мүмкүн.
Закрыть
