Ош технологиялык университетинде 520500 – Картография жана геоинформатика жана 640200 – Электроэнергетика жана электротехника багыттары боюнча PhD докторанттар үчүн илимий ишмердүүлүктүн негизги талаптарына арналган жолугушуу өткөрүлдү.
Жолугушуунун жүрүшүндө илимий этиканын принциптери, академиялык ак ниеттүүлүктү сактоо, антиплагиат системасын туура колдонуу маселелери талкууланды.
Ошондой эле эл аралык илимий басылмаларда, өзгөчө Scopus базасына кирген журналдарга макала даярдоонун өзгөчөлүктөрү тууралуу кеңири маалымат берилди. Иш-чарада илимий макаланын түзүмү, изилдөөнүн жаңычылдыгын негиздөө, сапаттуу илимий макала даярдоонун негизги этаптары боюнча түшүндүрмөлөр берилди.
Докторанттар өздөрүн кызыктырган суроолорго жооп алышып, илимий изилдөөлөрдү жүргүзүүдө академиялык жана этикалык талаптарды сактоонун маанилүүлүгү белгиленди.
Материалды сайттан көчүрүп алуу редакциянын жазма уруксаты менен гана мүмкүн.
Закрыть
