Т.Сатылганов атындагы Ош облустук китепканасында Кыргыз Республикасынын президентинин «Улуттук дем — дүйнөлүк бийиктик» уңгужолу жөнүндө жарлыгын ишке ашыруунун алкагында «Тамырыбыз терең — канатыбыз бийик» аттуу интеллектуалдык таймаш өткөрүлдү.
Иш-чарага ОшТУнун гуманитардык-технологиялык колледжинин «Хан Манас» командасы жана ОшМУнун финансы-юридикалык колледжинин «Уңгужолу — улуу багыт» командасы катышты.
Таймаш бир нече этаптан туруп, катышуучулар саламдашуу, логикалык жана аналитикалык суроолорго жооп берүү, улуттук баалуулуктарды тааныштыруу жана чыгармачылык тапшырмалар боюнча күч сынашты. Иш-чарага конок катары Г.Зикирова, Б.Зикирова, Ч.Нурдинова жана Г.Элинова катышты.
Белгилей кетсек, бул жаңы форматтагы долбоордун автору жана ишке ашыруучусу — ОшТУнун гуманитардык-технологиялык колледжинин окутуучусу Надилбек кызы Бегимай.
Жыйынтыгында «Уңгужолу — улуу багыт» командасы жеңүүчү деп табылды.
Материалды сайттан көчүрүп алуу редакциянын жазма уруксаты менен гана мүмкүн.
Закрыть
