САТЫБАЛДЫ НААМАТОВ АТЫНДАГЫ НАРЫН МАМЛЕКЕТТИК УНИВЕРСИТЕТИ бийик тоолуу жергебизде 1996-жылдын 22-майында Кыргыз Республикасынын Президентинин Указы менен Нарын айыл чарба техникумунун, Мамбетакунов Кадырбай атындагы педагогикалык окуу жайынын, облустук мугалимдердин билимин жогорулатуу институтунун жана Кыргыз архитектуралык курулуш институтунун облустук филиалынын базасында Нарын шаарында ачылган.

Университеттин ачылышы Нарын эли үчүн чоң сыймык болуп, республикага керектүү жогорку билимдүү кадрларды даярдоо менен гана чектелбестен, калктын социалдык – маданий маселелерин чечүүгө да салым кошту. Кыргыз Республикасынын Өкмөтүнүн 2009-жылдын 18-декабрындагы Токтомуна ылайык Нарын мамлекеттик университетине Сатыбалды Нааматовдун ысымы ыйгарылган.

Азыркы учурда Нарын мамлекеттик университети өзүнчө бир бүтүн билим берүү комплекси катары ишмердик жүргүзгөн төмөнкүдөй түзүмдүк бөлүктөрдү камтыйт:

• Агрардык-техникалык факультет;
• Филология факультети;
• Экономика, бизнес жана башкаруу факультети;
• Педагогика факультети;
• К.Мамбетакунов атындагы Нарын педагогикалык колледжи;
• Нарын агрардык техника-экономикалык колледжи;
• Мугалимдердин билимин жогорулатуу борбору.

Университетте жогорку билимдин (специалитеттин) 6 адистиги, базалык жогорку билимдин (бакалавриаттын) 12 жана магистратуранын 3 багыты боюнча адистерди даярдоо жүргүзүлөт. Анын ичинде:

-педагогикалык багыттар жана адистиктер– 8;

-техникалык багыттар жана адистиктер – 7;

 -экономикалык багыттар жана адистиктер– 3.

 

..