Ош технологиялык университетинин спорттук командалары Бишкек шаарында уюштурулуп жаткан Кыргыз Республикасынын жогорку окуу жайлар аралык “Универсиада - 2018” Кыргызстан чемпионатында бир топ ийгиликтерге жетишип, алдыңкы орундарга ээ болушууда. Атап кетсек: стол тенниси боюнча кыздар командасы 1-орун, тогуз коргоол мелдешинде балдар командасы 1-орун, футбол боюнча балдар командасы 3-орун, грек-рим күрөшүндө 3-орун, улуттук күрөштө 2-орун, Самбо боюнча 3-орун, жана волейбол боюнча балдар командасы 1-орунду ээлешти.

Окуу жайдан “Универсиада - 2018” Кыргызстан чемпионатына жалпысынан 17 спорттун түрү боюнча командалар катышууда. Ош технологиялык университетинин “Дархан ОшТУ” волейбол командасы Бишкек шаарында өтүп жаткан Жогорку окуу жайлар аралык универсиадада 1-орунга ээ болушуп, республиканын чемпиондору болушту. Аталган клубдун оюнчулары жалпысынан 5 оюн өткөрүшүп, финалдык мелдешке Кыргыз Техникалык университетинин командасы менен беттешкен. Жыйынтыгында ОшТУнун “Дархан ОшТУ” волейбол командасы “Универсиада-2018” Кыргызстан чемпионатында жогорку лигада чемпион болушту. Бүгүн команданын жалпы курамын жана машыктыруучусун ОшТУнун ректору, профессор Абдыкадыр Абидов кабыл алып, куттуктоо сөздөрүн айтып, мындан аркы да ийгиликтерди каалады.