26-апрель күнү Ош технологиялык университетинде тарбия иштери жана социалдык өнүктүрүү департаменти жана жаштар иштери боюнча комитети тарабынан “ОшТУ ПЕРИСИ-2018” сулуулар сынагы болуп өттү.

Иш-чара Ош улуттук драма театрында уюштурулуп, ага Ош шаарынын тургундары, катышуучулардын ата-энелери, окутуучулар жана студенттер күбө болушту.

ОшТУнун факультеттеринен 8 катышуучу калыстар тобунун сынынан өтүштү. Жыйынтыгында 1-орунду  технологиялык колледжинин 3-курсунун студенти Бакытбек кызы Жазгүл, 2-орунду технология жана жаратылышты пайдалануу факультетинин 2-курсунун студенти Ырысбек кызы Айсулуу, 3-орунду экономика жана башкаруу факультетинин 2-курсунун студенти Тажимамат кызы Гулира ээлешип, жеңүүчүлөргө жана катышуучуларга окуу жай тарабынан эс алып келүү үчүн жолдомолор, дипломдор жана баалуу белектер тапшырылды.