Кыргыз Республикасынын Өкмөтүнүн алдындагы интеллектуальдык менчик жана инновациялык мамлекеттик кызматынын түзүлгөндүгүнүн 25 жылдыгына карата уюштурулган маарекеде Ош технологиялык университети “Кыргыз Республикасынын жогорку окуу жайларынын алдында Технопарктарды түзүү боюнча” сынагынын жеңүүчүсү аталып, 1 миллион 900 миң сом утуп алды.

Эми бул каражаттар окуу жайдын алдына технопарк түзүү үчүн сарпталмакчы. Мындан тышкары, окуу жайдын алдындагы Технологияларды жана инновацияларды колдоо борбору эң мыкты борбор деп табылып, директору профессор Нурлан Калдыбаев ардак баракча менен сыйланды.

Буга чейин окуу жайда Технопарк 2011-жылы түзүлүп, коомдук башталыш катары иштеп келген.