Бүгүн, 24-май күнү Ош технологиялык университетинде Архитектура жана курулуш факультетинин Арх-14 тайпасынын студенти Назар Мукумовдун “Жаш талантка таазим” аттуу жеке чыгармачылык сүрөт көргөзмөсү болуп өттү.

Иш-чарага ОшТУнун ректору, профессор Абдыкадыр Абидов баштаган жетекчилик, окутуучулар жана студенттер катышышты. Назар Мукумовдун колунан жаралган 300 дөн ашуун эмгектеринин арасынан 100 жакын тандалма эмгектерин көрүүчүлөрдүн назарына тартууланган. ОшТУнун ректору, профессор Абдыкадыр Абидов куттуктоо сөзүндө Назар Мукумовду чыгармачыл кечеси менен куттуктап, башка студенттерге үлгү боло ала турган студент деп баса белгиледи.