Бүгүн, 11-ноябрь күнү Ош технологиялык университетинде ден соолугунан мүмкүнчүлүгү чектелген жарандар үчүн маалымат технологиялары боюнча кыска мөөнөттөгү курстардын ачылыш аземи болуп өттү.

Иш-чарага Ош шаардык эмгек жана социалдык өнүгүү башкармалыгы, мэриянын социалдык өнүктүрүү секторунун жетекчилиги, окуу жайдын жетекчилиги жана студенттери катышышты.

Бул окуу борбору ден соолугунан мүмкүнчүлүгү чектелген жарандарга коомдо толук кандуу мүчө болууга жана жумуш менен камсыз болууга мүмкүнчүлүк берүү максатында ачылды. Мындан ары мүмкүнчүлүгү чектелген жарандар Ош технологиялык университетине келип, аталган курстардан өтө алышат.