ИИМ Академиясындагы Ч.Айтматов бурчунда 21-февраль — Эл аралык эне тил күнүнө карата тилге даярдык кафедрасы тарабынан уюштурулган майрамдык иш-чара болуп өттү.
Тилге даярдык кафедрасынын начальниги, милициянын полковниги Жылдыз Секебаева иш-чараны куттуктоо сөзү менен ачып, катышуучуларды майрамы менен куттуктады. Андан соң курсанттар, студенттер ар улуттун поэзияларынан үзүндүлөрдү аткарып, эне тилинде ырларды окушуп, бий бийлеп, келген конокторго шаңдуу маанай тартуулашты. Мындан тышкары, Академиянын фойесинде китепкананын кызматкерлери тарабынан китеп көргөзмөсү да уюштурулду.