И.К.Ахунбаев атындагы Кыргыз мамлекеттик медициналык академиясынын бардык бөлүмдөрү Мамлекеттик тил күнүн онлайн түрүндө салтанаттуу белгилешет. Бул жөнүндө ЖОЖдун ректораты атайын буйрук чыгарды.

Учурда КММАнын сайты жана социалдык тармактар аркылуу ар кайсы сабактар боюнча мугалимдер кыргыз тилинде окуган дарстардын үзүндүлөр, ошондой эле студенттер аткарган ырлар, поэтикалык саптар, майрамдык куттуктоолор видеого тартылып, таратылып жатат.

Медакадемиянын мамлекеттик тилди өнүктүрүү сектору жогорку медициналык билим берүүдө жана окуу жайында иш кагаздарын жүргүзүүдө кыргыз тилин пайдаланууну жакшыртуу боюнча жаңы программаны жазуунун үстүнөн иштөөдө.