Ош мамлекеттик педагогикалык университетинде 40 жаштан жогорку айымдар ортосунда волейбол боюнча мелдеш болуп өттү.

Аталган мелдешке Бишкек шаарынан КУУ, Баткен шаарынан БатМУ жана Ош шаарынан ОшМУ, КӨАЭУ, ОшТУнун командалары катышты.

Мелдеште 3-орунду ОшМУ, 2-орунду ОшМПУ ээледи. Ал эми баш байгени ОшТУнун айымдары багындырды. Жеңүүчүлөргө диплом, акчалай сыйлык жана кубок тапшырылды.

Спорттук оюн президент Садыр Жапаровдун «Инсандын руханий-адеп-ахлактык өнүгүүсү жана дене тарбиясы» жөнүндө жарлыгына ылайык уюштурулду. Ал эми кезектеги мелдеш Ош мамлекеттик университетинде өткөрүлө турганы пландалды.