Андижан машина куруу институтунун окуу иштери боюнча проректору Эрматов Кобулжон жетектеген делегация Ош технологиялык университетине атайын иш сапар менен келди.

Окуу жай даярдап жаткан «Машина куруу» багытынын жалпы ишмердүүлүгү менен таанышуу максатында «Физика жана энергетикалык машина куруу» кафедрасынын алдындагы лабораторияларда болушту, лекциялык жана практикалык сабактарга катышты. Өздөрүнүн окуу жайындагы багыт даярдоо иштери жөнүндө маалымат беришти.

Ошондой эле ОшТУнун жетекчилиги менен жолугушуп, мындан ары эки окуу жай ортосундагы байланыштуу чыңдоо максатында бир топ долбоорлор сунушталып, эки тараптуу келишимдер түзүлдү.