Кыргызстанда COVID-19 илдетине кашы вакцинанын үчүнчү жана төртүнчү дозасын алуу өнөктүгү жүрүп жатат.

Ош технологиялык университетине Бишкек шаарынын жана Ош шаарындагы №3 поликлиникадан атайын дарыгерлер тобу келип, түшүндүрүү иштерин жүргүзүп, адамдарды бул оор илдеттен сактанууга чакырышты. Вакцина алуу менен гана бул оорунун алдын алып, эгер ооруга чалдыгып калган болсо, жеңил өткөрүүгө болорун эскертишти. Бир эле мамлекеттик мекеме-ишканаларда эмгектенген кызматкерлер эмес, өлкөнүн ар бир жараны вакцина алуу менен гана оорунун кесепеттерин азайтууга болорун белгилешти.