Президент Садыр Жапаров 16-декабрда 2021-2022-окуу жылынын жыйынтыгы менен өлкөнүн жогорку окуу жайларынын мыкты деп табылган 70 студентине президенттик «Үмүт» стипендиясын тапшырды.

Стипендия алгандардын арасында Ош мамлекеттик университетинин 4 студенти бар.

Алар:

• табият таануу, туризм жана агрардык технологиялар факультетинин студенти Жыргалбек уулу Амантур,
• педагогика жана психология факультетинин студенти Акылай Тилебалдыева,
• дүйнөлүк тилдер жана маданияты факультетинин студенти Акбермет Орунбаева,
• дүйнөлүк тилдер жана маданияты факультетинин студенти Асел Сагындыкова.

Жеңүүчү студенттердин окуудагы, илимдери, спорттогу жана коомдук, социалдык иштердеги мыкты жетишкендиктери каралган.

Студенттердин ар бири 60 миң сомдон стипендияга ээ болду.