23-мартта Ош технологиялык университетинин жетекчилиги Россиянын Ростов-на-Дону жана Ярославль шаарларынын делегациялары менен жолугушту.

Ярославль шаарынын мэринин коомчулук менен иш жүргүзүү жана эл аралык байланыштар боюнча орун басары Вячеслав Гаврилов, Ростов-на-Дону шаарынын администрация башчысынын орун басары Елена Кожухова баштаган делегация менен жолугушууда ЖОЖдор аралык кызматташуу жаатында эки тараптуу мамилелерди өнүктүрүү, окутуучулардын квалификациясын жогорулатуу боюнча билим берүү программалары, эки тараптын профессордук-окутуучулук курамы биргеликте илимий изилдөөлөрдү жүргүзүү маселелери талкууланды.

Иш-чаранын жыйынтыгында келечекте Ростов-на-Дону жана Ярославль шаарлары менен орто жана жогорку кесиптик билим берүү, ар кандай илимий долбоорлорду биргеликте ишке ашыруу тармагында кызматташтык программасына кол коюу боюнча сүйлөшүүлөр жүрдү.